今年賽前完全冇諗過，全馬可以跑到Sub 330 (比上年PB快左17分鐘)，可算是對得住自己第十年參加渣馬，留下一點美好印記。
尚記得上年自己跟住345 Pacer收，跑到出西隧自己pacing太慢跟甩左，最後自己3小時47分完賽。今年跑到頭4K左近，路上遇見來自同一運動品牌既Running Club人跑 (不是pacer，似coach)。嘗試跟左跑幾K，望見隻錶都仲keep到每K大約4分50，就決定跟住呢個節奏跑，個陣其實預左中後段會慢慢跌watt，所以趁自己仲去到，就試下keep住跑。冇諗過用呢個配速頂到去35K，就開始同自己講，睇下有冇機會呢次做到Sub 330。
最後跑到入維園大直路，個一刻眼前望住大會終點完賽時間，眼見由3小時29分尾轉到衝線一刻3小時30分08秒，確實有點飲恨，但個刻知道，自己已經做到Sub 330 (因為遲左大會時間半分鐘起步)。衝線一刻，還是替自己以及眼前一大班「萬金小姐」開心。
